უკრაინის პრეზიდენტის ვოლოდიმირ ზელენსკის ცნობით, აშშ-ის პრეზიდენტს ჯო ბაიდენს ესაუბრა და მასთან ერთად რუსეთის წინააღმდეგ ბრძოლაში უკრაინის მომავალი ნაბიჯები განიხილა.
ზელენსკის თქმით, პრეზიდენტებმა უკრაინაში ჩადენილი დანაშაულების გამო რუსეთისთვის პასუხისმგებლობის დაკისრების მნიშვნელობაზეც ისაუბრეს.
უკრაინის პრეზიდენტმა აშშ-ს უკრაინელი ხალხის დახმარებისთვის მადლობა გადაუხადა.
"მქონდა შესანიშნავი დიალოგი აშშ-ის პრეზიდენტთან. მას მადლობა გადავუხადე აშშ-ის მხრიდან უკრაინელი ხალხის დახმარებისთვის - როგორც უსაფრთხოების, ასევე ფინანსური კუთხით. ჩვენ განვიხილეთ უკრაინის მომდევნო ნაბიჯები აგრესორის წინააღმდეგ ბრძოლაში გამარჯვებამდე ჩვენს გზაზე და განვიხილეთ ომის დანაშაულების გამო რუსეთისთვის პასუხისმგებლობის დაკისრების მნიშვნელობა" - წერს ზელენსკი ტვიტერზე.
Had a great conversation with @POTUS. Thanked for the unwavering U.S. support for Ukrainian people – security and financial. We discussed Ukraine’s further steps on our path to the victory over the aggressor and importance of holding Russia accountable for war crimes. pic.twitter.com/4edng8vkvn
დახურვა